Oinetako Minimalistak Benetan Onak Al Dira Zure Oinentzat? Fisioterapeuta baten Iritzia

Fisioterapeuta garen aldetik, sarritan tratatzen ditugu kirol-emaitzak hobetu edo oinetakoek eragindako mina arindu nahi duten pazienteak. Azken urteotan, oinetako minimalistak ezagun egin dira, oinaren "mugimendu naturalera" itzultzeko promesagatik.

Baina oinetako mota hau egokia al da denontzat? Beti esaten diegu gure pazienteei, pertsona bati funtzionatzen dionak ez duela zertan beste batentzat ere balio izan. Ikus dezagun ikuspegi profesional batetik:

Zer dira oinetako minimalistak?

Oinetako minimalistak oinutsik ibiltzearen edo korrika egiteko esperientzia imitatzea dute helburu, honako ezaugarri hauekin:

• Zero drop-a: Zolaren eta orpoaren artean ez dago altuera diferentziarik, horrek urrats lau eta naturalagoa sustatzen du.

• Gutxieneko amortiguazioa: Zola oso mehea da, lurra gehiago sentitzeko.

• Malgutasun handia: Oina ia oinutsik bezala mugitzeko aukera ematen dute.

• Arintasuna: Oso arinak dira, eta oinaren gainko pisu sentsazioa kentzen dute.

Helburua argia da: zure oinak mugitzeko diseinatuta dauden moduan mugitu daitezela, oinetako tradizionalek sortzen duten interferentziarik gabe. Azterketa batzuek diote oinetako tradizionalek oinaren barne-muskulatura ahuldu eta bere biomekanika naturala aldatu dezaketela.

Oinetako minimalistak: Teoriak eta gure esperientziak diotena

Fisioterapeuta gisa, esan dezakegu oinetako minimalistak testuinguru jakin batzuetan benetako onurak ekar ditzaketela. Hauek dira nagusienetako batzuk:

1. Oina indartzea: Oinetako minimalistak erabiltzeak oinaren muskulu txiki eta ahaztuak aktibatzen ditu, ohiko oinetakoekin apenas erabiltzen direnak. Horrek egonkortasuna hobetu eta oin-arkuaren kolapsoa bezalako arazoak saihestu ditzake.

2. Korrika-teknika eraginkorragoa: Amortiguazio falta dela eta, oinaren erdialdean edo aurrealdean lurreratzea sustatzen dute, eta horrek artikulazioen inpaktua murrizten du (batez ere belaunetan eta aldakan). Patroi hau biomekanikoki eraginkorragoa da, baina pertsoan guztiak ez daude prest lehen egunetik egiteko.

3. Propiozepzioaren hobekuntza: Lurra sentitzeak oinaren nerbio hartzaileak aktibatzen ditu, eta horrek oreka eta koordinazioa hobetzen ditu. Hau bereziki erabilgarria izan daiteke gainazal naturaletan edo irregularretan kirolak egiten dituzten pertsonentzat.

4. Oinetakoen menpekotasun txikiagoa: Denborarekin, amortiguazio handiko oinetakoek oinak “alferrak” bihurtzea eragin dezakete. Oinetako minimalistak oina modu aktiboan lan egitea sustatzen dute, muskulatura indartuz eta oinaren osasun orokorra hobetuz.

Arriskuak: kontsultan ikusten duguna. Onurak erakargarriak diren arren, prestaketa egokirik gabe zapatila minimalistetara aldatzen saiatzean lesionatu diren paziente asko tratatu ditugu. Hona hemen arrisku ohikoenak:

1. Egokitzapen desegokia: Bat-batean oinetako minimalistetara aldatzeak oinaren gihar eta tendoietan gehiegizko karga sor dezake, lesioak eraginez, oinzolako faszitisa, Akiles tendoiaren inflamazioa edo estresak eragindako hausturak adibidez.

2. Lur gogorrak eta amortiguazio falta: Asfaltoa edo hormigoia bezalako lur gogorretan inpaktua handia izan daiteke. Teknika egokirik ez baduzu, inpaktu hori artikulazioek jasaten dute.

3. Lehenagotik zeuden arazoak: Oin lauak, gehiegizko pronazioa edo hallux valgus bezalako patologiak dituzten pertsonek onurak baino arazo gehiego izan ditzakete.

4. Gehiegizko erabileraren ondoriozko lesioak: Oin guztiak ez daude oinetako minimalistekin distantzia luzeak egiteko dineinatuta. Lasterkari asko zapatila horiekin korrika egiten saiatzen dira, ohiko zapatilekin egingo luketen bezala, eta hori hondamendiaren errezeta izan daiteke.

Erabiltzea komeni zait?

Hona hemen jarraibide batzuk zapatila minimalistak zuretzat aukera ona diren jakiteko:

1. Oin osasuntsua al duzu? Egiturazko arazoak badituzu, fisioterapeuta bati kontsulta egin. Pertsona batzuek euskarri gehigarria behar dute, zapatila minimalistek eskaintzen ez dutena.

2. Zein teknika erabiltzen duzu? Orpoaren gainean lurreratzen bazara (gehiengoa bezala), teknikaren egokitzapena behar duzu, oinaren erdialdean edo puntan lurreratzeko.

3. Zein lurretan entrenatzen duzu? Asfaltoan entrenatzen baduzu, amortiguazio handiagoko oinetakoak erosoago izango dituzu. Lur naturaletan, minimalistak aukera ona izan daitezke.

4. Trantsizio egiteko prest al zaude? Oinetako minimalistak erabiltzea ez da egun batetik bestera egin behar den zerbait. Pixkanaka egokitu behar da, bestela lesioak izateko arriskua izan dezakezu.

Nola egin trantsizioa modu seguruan?

Zapatila minimalistak probatzea erabakitzen baduzu, hona hemen gure pazienteei gomendatzen dizkiegun urratsak:

1. Poliki hasi: Lehenengo asteetan ibiltzeko erabili, haiekin korrika egiten hasi aurretik.

2. Oinak indartu: Ariketak bereziak egin, hala nola oinutsik ibili, objektuak behatzekin jaso edo faszia estiratu.

3. Egokitzapen mailakatua: Eguneroko erabilera edo distantzia %10-15 handitu astean.

4. Zure gorputza entzun: Mina edo ondoeza baduzu, atzera egin. Egokitzapenak hilabeteak iraun ditzake.

Gure ondorioa fisioterapeuta gisa

Oinetako minimalistak tresna baliagarriak dira, baina ez dira denontzat egokiak. Oinak osasuntsu badituzu, trantsizio mailakatua egiteko prest bazaude eta zure oinak indartu edo zure lasterketa-teknika hobetu nahi baduzu, aukera bikaina izan daitezke.

Hala ere, arazo estrukturalak dituztenentzat edo lur gogorretan korrika egiten dutenentzat, oinetako tradizionalak egokiagoak izan daitezke. Beti bezala, gure aholkua ikuspegi indibidualizatua bilatzea da. Zalantzarik baduzu, kontsultatu fisioterapeuta batekin zure beharrak eta helburuak baloratzeko.

Gogoratu, kontua ez dira zapatilak bakarrik, baizik eta nola erabiltzen dituzun eta nola prestatzen duzun zure gorputza zapatiletarako.

Zaindu ditzagun gure mugimenduaren oinarri diren oin horiek!